Што е народ?

 „Народ се вељид људи који е од еден род и кои зборувајед еднаков збор, и који живунајед и се другарад еден со други, и који имајед јаднакви обичаји и песни и весеља; тије људите ји викајд народ“. Ѓоргија Пулевски

„Значи тоа е заедница на луѓе поврзана со долготраен историски развој, луѓе што имаат заедничко потекло, култура, свест за заедничка припадност и историска судбина. Основни обележја се заедничкиот јазик како средство за општење и столб во формирањето на народниот идентитет, културата и традицијата“. Панде Колемишевски. https://novamakedonija.com.mk/mislenja/kolumni/shto-e-narod/

Народ e „замислена заедница“, која постои првенствено во умовите на нејзините членови. Наречена е „замислена" затоа што повеќето членови на заедницата никогаш нема да се сретнат, да се запознаат, па дури ни да слушнат за своите сограѓани, а сепак секој од нив носи ментална слика за нивната заедничка припадност и поврзаност. Заедницата (народот) е замислена како длабоко другарство — доволно силно за луѓето да бидат подготвени да умрат за неа. Концептот „народ“ не е природен, исконски феномен, туку релативно модерен културен конструкт. Benedict Anderson. „Imagined Communities: Reflections on the Origin and Spread of Nationalism“.

„Тукуречи исти зборови зборуваме. Само тие ги вртат наонаму, а ние - наваму зборовите. А некогаш, во старо време, сите сме биле едно исто гомно, иста лепешка. Ама поминала некоја кола и со колцата ја пресекла лепешкатана на две, па поминала друга кола и пак ја пресекла лепешката. И така, врвеле коли и ја испресекле лепешката и ние од една лепешка сме станале многу лепешки, многу гомна... сите исто смрдиме.“ Петре М. Андреевски. „Пиреј“